Կենսաթոշակային համակարգի իրազեկման կենտրոն
ՀՀ կառավարության 2011թ. հուլիսի 28-ի 1059-Ն որոշմամբ ստեղծվել է «Կենսաթոշակային համակարգի իրազեկման կենտրոն» հիմնադրամ: Հիմնադրամի գործունեության առարկան և նպատակը կենսաթոշակային բարեփոխումների արդյունավետ իրականացմանը աջակցելն է, մասնավորապես.
- կենսաթոշակային բարեփոխումների շրջանակներում խորհրդատվական և մասնագիտական աջակցություն տրամադրելը
- բազմաստիճան կենսաթոշակային համակարգի վերաբերյալ հանրային իրազեկվածության մակարդակի բարձրացումը:
Հիմնադրամի խնդիրներն են`
- կենսաթոշակային բարեփոխումների շրջանակներում խորհրդատվական և մասնագիտական աջակցություն տրամադրելը, այդ թվում` առցանց
- կենսաթոշակային բարեփոխումների հանրային իրազեկման աշխատանքների իրականացումը, կենսաթոշակային բարեփոխումների և բազմաստիճան կենսաթոշակային համակարգի վերաբերյալ տեղեկատվական և ուսուցողական նյութերի մշակումը, հրատարակումը և տարածումը
- ուսուցողական և տեղեկատվական սեմինարների կազմակերպումը հանրության տարբեր շերտերի և առանձին խմբերի համար
- կենսաթոշակային համակարգի վերաբերյալ միասնական կայքէջի ստեղծումն ու վարումը
- կենսաթոշակային բարեփոխումների և բազմաստիճան կենսաթոշակային համակարգի վերաբերյալ հանրային ուսուցման ծրագրերի մշակումն ու իրականացումը
- կենսաթոշակային բարեփոխումների վերաբերյալ հանրային քննարկումներ կազմակերպելը
- փոքր և միջին ձեռնարկություների (գործատուների) կողմից անձնավորված հաշվետվությունները ներկայացնելու գործընթացին աջակցելը, այդ թվում` հաշվետվությունները ներկայացնելու կիրառական հմտությունների տրամադրումը և տեխնիկական աջակցությունը գործատուներին
- կուտակային բաղադրիչի մասնակիցների կողմից ակտիվների կառավարիչների և կենսաթոշակային ֆոնդերի ընտրությանն աջակցելը (այդ թվում` մարզերում համապատասխան ծառայությունների մատուցումը)
- պետություն-մաuնավոր հատված համագործակցության ներքո ներդրումային ծրագրերի իրականացմանն աջակցելը
- հետազոտությունների, գիտահետազոտական ծրագրերի իրականացումը և դրանց աջակցությունը
- ուսումնական հաստատություններում ուuուցման և վերապատրաuտման ծրագրերի իրականացումը
- «Թեժ գծի» ծառայության վարումը
- բնակչության շրջանում համապատասխան հարցումների անցկացումը կամ դրա կազմակերպումը
- իրականացվող ծրագրերի, միջոցառումների արդյունավետության գնահատման ուղղությամբ աշխատանքների իրականացումը
- վերոնշյալ և իր կանոնադրական նպատակներին ուղղված ծրագրերի իրականացման համար պետական կառավարման և տեղական ինքնակառավարման մարմինների մասնավոր և պետական մասնակցությամբ ընկերությունների, դոնոր կազմակերպությունների և այլ շահագրգիռ անձանց հետ համագործակցությունը
- հասարակության տարբեր շերտերի` կենսաթոշակային բարեփոխումներին աջակցության և մասնակցության ապահովմանը նպաստելը:
«Կենսաթոշակային համակարգի իրազեկման կենտրոն» հիմնադրամի կանոնադրությունը
Հիմնադրամի գործունեության առարկան և նպատակը
© 2012 Հեղինակային իրավունքները պաշտպանված են:
Սույն վեբկայքում տեղադրված տեղեկատվությունը և լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Առկա նյութերն ու լուսանկարներն արտատպելիս, ամբողջական կամ մասնակի օգտագործելիս հղումը www.ssss.am վեբկայքին պարտադիր է:
_____________________________________________________________________________________________________
Պաշտոնական էլեկտրոնային փոստ` 39065702@e-citizen.am