Armenian

24.07.2018

legalinfo.am _ Սոցիալական ապահովության  ծառայության պետ Ա. Բոշյանը շարունակելով աշխատանքային այցերի ծրագիրը՝ ս.թ. հուլիսի 19-20-ը գտնվել է Լոռու և Տավուշի մարզերում:

Սպիտակում, Վանաձորում, Ստեփանավանում, Թումանյանում, Տաշիրում, Իջևանում, Դիլիջանում, Նոյեմբերյանում և Տավուշում ունեցած հանդիպումների ընթացքում Ա. Բոշյանն ընդգծեց, որ Ծառայության աշխատանքների արդյունավետ իրականացման համար, որպես ելակետային օղակ, կարևոր է տարածքային ստորաբաժանումների դերն ու նշանակությունը:

Այցելության հիմնական նպատակն էր հանդիպումներ ունենալ տարածքային բաժինների պետերի, աշխատակիցների, ինչպես նաև տարածքային բաժիններում գտնվող շահառուների հետ:

Հանդիպումների ընթացքում տարածքային բաժինների պետերն ու աշխատակիցները հնարավորություն ունեցան վեր հանել ինչպես աշխատանքների իրականացման ընթացքում առաջացած բովանդակային, այնպես էլ աշխատավայրերում առկա տնտեսական տարաբնույթ խնդիրներ: Քննարկելով առկա հիմնախնդիրները՝ աշխատակիցները հանդես եկան նաև առաջարկություններով:

Տարածքային բաժինների աշխատակիցների հետ հանդիպման ընթացքում հստակեցվեցին գործունեության առաջնային ուղղությունները և խնդիրների համակարգային ու արմատական լուծման նպատակով  տրվեցին համապատասխան ցուցումներ:

 

 

© 2012 Հեղինակային իրավունքները պաշտպանված են:

Սույն վեբկայքում տեղադրված տեղեկատվությունը և լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Առկա նյութերն ու լուսանկարներն արտատպելիս, ամբողջական կամ մասնակի օգտագործելիս հղումը www.ssss.am վեբկայքին պարտադիր է: 

_____________________________________________________________________________________________________

Պաշտոնական էլեկտրոնային փոստ` 39065702@e-citizen.am

(միայն www.e-citizen.am համակարգով ծանուցումների համար)